Postsپێشەوا قازی بۆ هەمیشە بە زیندوویی دەمێنێتەوە
کۆمەڵانی
هەراوی خەڵکی کوردستان
سەربەخۆخواز و ڕزگاریخوازان
حەفتا و شەش ساڵ لەمەوبەر و لە ڕۆژی ٣١-٣-١٩٤٧ ڕژێمی پاشایەتی ئێران تاوانێکی مێژوویی ئەنجامدا و یەکەمین سەرکۆماری کوردستان و هاوڕێکانی لە مەیدانی چوارچرای شاری مەهابادی پێتەختی کۆمار لە سێدارەدا. ڕژێمی پاشایەتی بۆ چاوترساندنی نەتەوەی کورد و گەلی کوردستان پێشەوا قازی لە سێدارەدا، بەڵام هەرگیز نەیدەزانی پێشەوا سەروەری بۆ خۆی و نەتەوەکەی تۆمار دەکات و وەک خۆر لە ئاسمان دەدرەوشێتەوە و بۆ هەمیشە لە ویژدان و دڵی کوردستانیاندا بە زیندوویی دەمێنێتەوە
ئەمڕۆ لە ساڵیادی لە سێدارەدانی سەرکۆماری کوردستان، لە کاتێکدا بە شکۆوە ڕێز لە خەبات و تێکۆشانی پێشەوا و هاوڕێکانی دەگرین و سڵاوی ئەمەک و وەفاداری بۆ گیانی پاکی شەهید پێشەوا و سەرجەم جانگۆرییانی ڕێی ئازادی و ڕزگاریی کوردستان دەنێرین، لە هەمان کاتدا سۆز و پەیمانیان بۆ نوێ دەکەینەوە تا گەیشتن بە کوردستانێکی سەربەخۆ و گەلێکی بەختیار دڕێژە پێدەری کاروان و ڕێبازەکەیان دەبین
نەمری و سەربەرزی بۆ شەهید پێشەوا و تێکڕایی شەهیدانی ڕێی ڕزگاریی کوردستان
نەفرەت و ڕێسوایی بۆ ڕژێمی پاشایەتی و فەرمانڕەوا خۆسەپێنەکان
بەرەی گەل
٣١-٣-٢٠٢٣