پەیامی پیرۆزبایی حزبی ڕزگاری بۆ یەکێتیی نەتەوەیی دیموکراتی کوردستان
برای بەڕێزم کاک غەفوور مەخمووری سکرتێری گشتی یەکێتیی نەتەوەیی دیموکراتی کوردستان
سڵاوی ڕزگاری و سەرخۆبوونتان
لێ بێ
لە پێوەند بە بیست و نۆیەمین ساڵیادی دامەزراندنی یەکێتیی نەتەوەیی دیموکراتی کوردستان YNDK، کە هاوکاتە لەگەڵ جەژنی نەورۆزی ٢٧٢٤ی کوردی، بە ناوی خۆم و لە جیاتی هەڤاڵانمان لە سەرکردایەتی حزبی ڕزگایی کوردستان، جوانترین و گەرمترین پیرۆزباییتان لێ دەکەین و ئومێدی سەركەوتن و پێشکەوتنتان بۆ دەخوازین
هەڤاڵانی هێژا و ڕێزدار! ئێوە لە کاتێکدا ساڵیادی دامەزراندنی YNDK دەکەنەوە کە هەرێمی کوردستان لە ڕەوشێکی یەکجار ئاوارتەدایە، لە لایەکەوە قەیرانی دارایی و بێ مووچەیی، لەلایەکی دیکەشەوە گوشارەکانی دامەزراوەکانی حکومەتی بەغداد ڕەوشەکەی بەرەو ئاڵۆزی بردووە و تەنگژەکانی قووڵتر کردۆتەوە، بەڵام بە یەکدەنگی و یەکهەڵوێستی نیشتمانی دەتوانرێت ئەم ڕەوشە تێپەڕ بکرێت، بۆیە هیواخوازین کە هەموو لایەک بە گیانی بەرپرسیارێتی و نیشتمانپەروەرییەوە ڕەفتار بکەن و هەڵوێست بنوێنن. هەروەها هیواخوازین کە بۆنەی ساڵڕۆژی دامەزراندنی YNDKبکرێتە ڕۆژی هەڵوێست و نۆژەنکردنەوەی هەستی وڵاتپارێزی و مرۆڤسالاری
لە دوماهیدا لە کاتێکدا سڵاو
و پیرۆزبایی خۆمان دووپات دەکەینەوە و هیوای سەرکەوتنان بۆ دەخوازین، لە هەمان
کاتدا جەخت لەسەر پێوەندی و هاوخەباتی نێوانمان دەکەینەوە
براتان
ڕێکار ئەحمەد
سکرتێری گشتی
حزبی ڕزگاریی کوردستان
٢١-٣-٢٠٢٤