هەشتی ئادار، ڕۆژی جیهانی ژنان پیرۆز بێت

لە بیرەوەری هەشتی ئادار، جەژنی جیهانی ژناندا،  لە دەستپێکدا بە ناوی حزبی ڕزگاریی کوردستانەوە پیرۆزبایی لە سەرجەم ژنانی كوردستان و تێکڕای ژنانی ئازادیخوازی جیهان دەكەین، دەخوازین ئەم یادە هەر ئاهەنگ گێڕان  و شایی نەبێت، پێویستە وەک دەرفەتێکی لەبار بۆ بەهێز کردنی بزاڤی وەکهەڤی و یەکسانیخوازی لێبڕاوانە تێبکۆشن و یەکدەنگ و هاوئامانج بۆ  نەهێشتنی جیاكاری و هاوێرکاری خەبات بکەن، چونکە تەنیا لەو ڕێیەوە مافی ژنان مسۆگەر دەبێت و ژنان لە ناوەندەکانی بڕیارداندا جێ دەگرن

هەر بەبۆنەی هەشتی ئادار، ڕۆژی جیهانی ژنانیجیهانەوە داوا لە ژنانی کوردستان دەکەین کە پارێزگاری لە دەنگی خۆیاندا بکەن و لە هەموو هەڵبژاردنەکاندا ئەو مافەی خۆیان دەکاربکەن و بچنە سەر سەندوقەکانی دەنگدان و دەنگ بە بەربژێر و پاڵێوراوی خۆیان بدەن

شکۆدار بێت هەشتی ئادار ڕۆژی جیهانی ژن

 


مەكتەبی سیاسی

حزبی ڕزگاریی کوردستان

٨ی ئاداری ٢٠٢٤