ماڵی هاووڵاتییەک دەسووتێت

ماڵی هاووڵاتییەك لە گوندی دێڵزیان دەسووتێت

شەوی ڕابردوو، ڕێکەوتی ٥/٦-٣-٢٠٢٤ بەهۆی غازەوە  ئاگر لە ماڵی هاووڵاتییەكی دانیشتووی گوندی دێڵزیان سەربە ناحیەی دیانا دەکەوێتەوە، بەهۆیەوە بەشێكی زۆری كەل و پەلی ماڵەكە دەسووتێن منداڵێكیش زامداار دەبێت

کەسێکی نزیك لە ڕووداوەكە بە رزگاریپریسی ڕاگەیاند کە  شەوی ڕابردوو ئاگر لە ماڵی هاووڵاتی (حەمەدئەمین جەوهەر حەمەدئەمین) دانیشتووی گوندی دێڵزیانی سەربە ناحیەی دیانا  دەکەوێتەوە، خۆشبەختانە تیمەكانی بەرگری شارستانی بە خێرایی دەگەنە شوێنەكە و کاری پێویست ئەنجام دەدەن، بەڵام بە هۆی ئەوەی خانووەکە لە دار و حەسیر دروست کرابوو، بە ئاسانی بەرزەفت ناکرێ، بەو هۆیەوە هەموو گەل و پەلەکان دەسووتێن و منداڵێکیش بەشێکی جەستەی دەسووتێ و ڕەوانەی نەخۆشخانە دەکرێت