عێراقیەکان لە یاریشدا هەر پەلاماری یەکدی دەدەن


لە سنوری  دوزخوماتوو- داقوق، لە یارییەکی  دۆستانەدا شەڕ و ئاژاوە دروست بوو، بەو هۆیەوە زیاتر لە دە کەس بریندار بوون
 دوێنێ سێشەممە، ڕێکەوتی ٢-٤-٢٠٢٤ لە یاریەکی وەرزشدا شەڕ و ئاژاوە سەری هەڵدا، بەو هۆیەوە  ژمارەیەک وەرزشوان و هاوڵاتی برینداربوون
بە گوێڕەی زانیاریەکان سی کەس  لەلایەن هێزە ئەمنییەکانەوە دەستگیر کران، پەیامنێری ڕزگاری پرێس زانیویەتی  شەوی رابردوو ڕێکەوتی ٢-٤-٢٠٢٤ لە یارییەکی وەرزشیدا، کە لە نێوان هەردوو تیپی نەورۆز و شەهید جاسم بەڕێوەچوو، چەند هاندەرێک پەلاماری ناوبژیوانیان دا  بە پاساوی ئەوەی کە گوایە لایەنگیری بۆ تیپێک هەبووە و بۆ بەرژەوەندی تیپێکی دیاریکراو بڕیاری داوە
شەڕ و ئاژاوە و ئاڵۆزی زیاتر لە نێو دەمژمێری کێشا، دواتر هێزێکی سوپای عێراق  گەیشتنە شوێنی رووداوەکە و بە تەقەکردنی هەوایی بڵاوەیان بە خەڵکەکە کرد ، بەو شێوەیە ڕەوشەکە هێور بۆوە
یەکێک لە هاندەرانی تیپی نەورۆز بە ڕزگاری پرێسی ڕاگەیاند: کەسێکی بیانی لەوێ بوو، کاتێک شەڕ دەستی پێکرد، گوتی ئەمە چییە عێراقیەکان لە یاریشدا هەر پەلاماری یەکتر دەدەن و هەوڵی یەکتر کوشتن دەدەن