بەرپرسی ڕێکخراوی هانای ئاژەڵان بۆ ڕزگاری پرێس دەدوێت

شادەخان لە دیدارێکی ڕزگاری پرێسدا
پرسیار: ئامانجتان چ بوو لە دروست کردنی ئەم ریکخراوە؟
‌ وەڵام: ئامانجمان خزمەتکردن و بەهاناوە چوونی سەرجەم ئاژەڵان کە ستەمیان لێ دەکرێت بەتایبەت ئاژەڵانی بێلانە کە لە کۆمەڵگەی ئێمە پەراوێز خراون
پرسیار: چۆنیەتی چالاکیەکانتان؟
وەڵام:  بە هاناوە چوونی ئەو ئاژەڵانەی ڕۆژانە تووشی پێکدان و سزا دەبن لەلایەن مرۆڤەوە ،هەروەها بردنی خواردن و ئاو بۆ ئەو جێگایانەی خواردن پەیداکردن تێیاندا ئەستەمە بۆیان و لەخۆ گرتنی ئەو ئاژەڵانەی تووشی کەمئەندامی جەستە بوون
پرسیار: سەبارەت بە هەماهەنگی پاراستنی ئاژەڵان چی دەڵێی؟
‌‌ ‌ ‌ ‌ ‌ ‌وەڵام: هەماهەنگیمان لەگەڵ هاوڕێ ئاژەڵدۆستەکانمان هەیە لە شاروشارۆچکەکان بۆ چارەسەرکردنی ئاژەڵان و پێدانی ڕێنمایی دروست 
پرسیار: لێرەو لەوی گرفتەکانی ئاژەڵان بەدی دەکرێت ئەم گرفتانە چۆن چارەسەر دە کرێن؟ ‌‌ ‌
وەڵام: تاکە هۆکار بۆ گرفتی ئاژەڵان نەمانی هیچ شوێنێکە بۆیان بەهۆی زۆری شوێنی یەکەی نیشتەجێبوون و نەمانی خۆڵ و خاشاک. ‌ ‌ ‌ ‌ ‌ پرسیار: چیتان کردوە بۆ سه گە بێلایەنەکان؟
وەڵام: وەک ڕێکخراو چارەسەری سەرجەم ئەو ئاژەڵانەمان کردووە کە بریندارو لێدراو بوون ، پاشان سکاڵامان لەو کەسانە کردووە کە بوونەتە هۆی ئازاردانی ئاژەڵان و چەوساندنەوەیان
پرسیار:  چۆنیەتی چارەسەر کردنی گرەفتەکانتان؟ ‌ ‌
وەڵام: تەنها چارەسەر بۆ گرفتی سەگی بێلانە نەزۆک کردنیانەو گەڕاندنەوەیانە بۆ ژینگە چەندین نوسراومان پێشکەش بە شارەوانی سلێمانی کردووە کە ڕێگای تەندروست و سنووردارکردنیان تەنها نەزۆک کردنە، لەهەمان کاتدا وەک خۆمان ژمارەیەکی زۆرمان نەزۆک کردووە 

سەبارەت بە شادەخان لە زمانی خۆیەوە: شادی علی دانیشتووی سلێمانیم ، خێزاندارم و  دوو منداڵم هەیە،   پیشەی سەرەکیم فەرمانبەری بانکم،  لەدوای دەوامی فەرمی بەهانای ئاژەڵانەوە دەچم و برینەکانیان سارێژ دەکەم وەک ئەرکێکی مرۆڤانەو خۆبەخشانە بێ ئەوەی هیچ کەس هاوکاری ماددیمان بێت .هەروەها چارەسەرو کڕینی دەرمان و ئۆومبیل لە ئەستۆی خۆمانە