بکوژەکەی خواناس دادگەیی دەکرێت

کاتی خۆی سەرچاوەکانی هەواڵ هۆکاری کوشتنەکەیان بۆ بیروباوەڕی جیاواز گەڕاندەوە، چونکە خوانااس وریا بۆ سەر دینی باپیرانی خۆی گەڕابۆوە و بە ئاشکراش ئەمەی ڕاگەیاندبوو
ڕاستییەکەی هەر زوو بکوژەکە ناسێندرا و لە لایەن ئاسایشەوە دەستگیر کرا، ئەمڕۆ دادگەیی بکوژەکە بەڕێوەچوو، لەو دانیشتنەدا  کەسوکاری خواناس وریا و هاوڕێکانی  ئامادەبوون، هەر لەم دانیشتنەدا وتەی گۆواکەکان وەرگیرا، بڕیاریش وایە بیست و نۆی مانگی نیسان دانیشتنێکی دیکە بەڕێوە بچێت
ڕاستییەکەی تووندڕۆیی و دەمارگیری لە هەموو زەمان و سەردەمێکدا پەشێوی لێ دەکەوێتەوە، بەڵام ئێستا هەرێمی کوردستان زۆر جیاوازترە، چونکە دەستی تووندڕۆکان ئاوەڵا کراوە و لە مینبەر و شوێنە گشتییەکاندا هەست و سۆزی خەڵکی ساویلکە دەوروژێنن و بەرەو تاوان هانیان دەدەن، بۆیە دەبێ حکومەت ڕێ لەو پاشاگەردانییە بگرێ و هەموو ئەوانە دەستگیر بکات کە ئاگری دووبەرەکی خۆش دەکەن و خەڵک بۆ گیانی یەکدی هان دەدەن